*ព្រះពុទ្ធជាទីពឹង ជាពំនឹងសព្វសត្ថា ព្រះអង្គកាលប្រាថ្នា
ធ្វើកសាងអស់កាលយូរ។ រាប់ដោយកោដិកប្បា ច្រើនគណហួសគិតគូរ
បានត្រាស់ជាសព្វញ្ញូ ច្បាស់ជាគ្រូលើភពឋាន។ ធ្វើកម្មជាកម្រ
មនុស្សនិករត្រាប់ពុំបាន តោកយ៉ាកលំបាកប្រាណ ព្រោះប្រយោជន៍ដល់សព្វសត្វ។
ខ្ញុំសូមឱនសិរសា ចិត្តប្រាថ្នាបង្គំថ្វាត់ ព្រះពុទ្ធករុណាសត្វ
នោះជាទីពឹងសព្វកាល។
*សត្វតែងកើតស្លាប់បង់ ព្រោះចំណង់កម្មជាគោល អោយវិលវល់អន្ទោល
ក្នុងភពតូចនិងភពធំ។ ហេតុតែមិនដឹងធម៌ ជាម្ចាស់ល្អស្អាតសុខុម
គឺព្រះពុទ្ធសេពសម ចិត្តខ្ញុំសូមនមស្សការ។ នូវធម៌ប្រពៃពិត
វិសេសសុទ្ធនោះឯងណា  កាត់បង់អវិជ្ជា គឺបណ្តាញកិលេសហើយ។
*ព្រះសង្ឈអង្គសវ័ក មានសំវរៈសទ្ធាទ្រង់ គបដោយគុណសីលត្រង់
និងសមាធិបញ្ញា។ និងវិមុត្តិញ្ញាណ កិលេសគ្មានក្នុងអាត្មា
ជាបុញ្ញក្ខេត្តា ជនត្រូវការជាកុសល។ ខ្ញុំសូមឱនសិរសី
ដល់ព្រះអរិយបុគ្គល ជាបុត្តព្រះទសពល ជាមង្គលដល់សព្វសត្វ។